Monday, October 14, 2019

Die Koeksisters - One Night in the Bay Show


Dis nogals ‘n intimideerend storie as jy as vrou by ‘n Koeksister show opdaag en die 4 drag queens lyk beter in heels en rokke as wat jy ooit sal doen – mar dan weet jy ook – hierdie gan ‘n goeie show wees! Local is altyd lekker en hierdie local showcase is definitief die moeite werd!

Die Koeksisters bestaan uit Felicity Vlagpaal (Donovan Peo), Katerina Kettingsaag (Wouter Pretorius), Getruida Grenswag (Robert Peo) en Euphesia Moeggeploeg (Corne Rademeyer). Die dames hou vir jou vertoning met goeie diva songs, tong in die kies vergelykings, staaltjies en grappies en ‘n wardrobe wat skrik vir niks!


Daar word geglitter, gepof, gedans, gesing, gebloos en saam baljaar. Hul manier om ‘n gehoor deel te maak van ‘n show is asemrowend. Soms is dit effens onder die belt, ver onder die belt, maar dis alles in goeie atmosfeer en sports gedoen.

Felicity Vlagpaal en Katerina Kettingsaag se rendisie van Rooikappie en die wolf is snaaks verby en jy sal moet seker maak jy gebruik die pouses om jou blaas leeg te maak. Euphesia Moeggeploeg vat niemand se strond en sê ‘n ding reguit, en wanneer sy haar Rocky Horror lipsync gooi is jy vasgevang! Getruida Grenswag herhinder ons almal dat jou lyf jou nie moet beperk en haar rendisie van THIS IS ME van Greatest Showman het my in trans gehad! Lyp sync of nie, hierdie girls weet hoe om jou vas te vang!

In elke verskillende karakter, liedjie en toneelspel, kan jy identifiseer, of dit nou net met een van die karakters is, of een liedjie is , maar dit is wat dit so lekker maak, die verskeidenheid maak seker dat die gehoor - van jonk na oud - almal geakkomodeer en definitief entertained is.

Gobsmacked is seker die word – maar dis mos wat ‘n koeksister doen – dis soet en sag en lekker en maak jou net lus vir meer!

Die Koeksisters kan gebook word vir vertonings deur Donovan Peo se skakel op 084 410 0880.

Tot volgende keer – laat ek gou my hakskoene en my Cher CD’s gaan uitkrap…

LM

Nota: alle fotos is geneem deur Stardust Photography – volg hul gerus op FB

Wednesday, April 10, 2019

Glamping met Africamps - Ingwe Plett

Africamps Ingwe (Foto LM)



Nou kyk… ek is 'n kamper, ek hou van natuur, in die wildernis wees en so, maar daar moet darem warm water wees vir my om te kan oorleef. Dan vind jy iets soos Africamps - en jy word instantly hooked op GLAMPING! Sonder die pretensie van soos 'n diva wees.


Ons naweekhuisie (Foto LM)


Danksy 'n kompetisie wat ek op die Afrikaanse TV program Pasella gewen het, het ek 'n 4 nag wegbreek by enige van Africamps se 8 kampe gewen. Ons kon kies tussen Wellington, Wildernis, Hazyview, Plettenbergbaai, Oudtshoorn, Stanford, Swellendam en Robertson. Met my absolute obsessie met die mooiheid van die Tuinroete, het ek en my suster, haar man en die kinders die wa gepak en Plett toe vertrek. Africamps Ingwe was ons voorland! (Besoek hul webblad: www.africamps.com)

Op aankoms was ek reeds verlief op die plek, tussen die varings en velde, rooibokkies en fellow deer wat vry loop, Nguni beeste en die skree van Loeries in die boomkapsels, was ek in die 7de hemel. Alex en Moss ons "hosts" was vriendelik verby en het gesorg dat ons gemaklike tyd het. Met 'n oggend bederf van 'n Brekkie Basket - muesli, botter, jam, juice, melk, muffins, heuning, vars brood en vrugte om elke oggend aan te smul.

Die "tent" waarin ons gebly het was luuks en baie groot, met slaaplek vir 5, insluitende 'n badkamer, eetkamer, sitkamer, kombuis en kagel, wat alles oopmaak op 'n deck wat oor die valley uitkyk. Paar van die tente het self jacuzzis, wat jou tyd daar nog meer drooms sal kan maak. Op die stiller aande kon ons die see hoor druis in die verte. En omdat Ingwe tussen twee roofdierparke geleë is (Juakni en Teniqua) kon ons soggens vroeg die leeus hoor brul - 'n egte Afrika ondervinding!

Robberg Natuurreservaat (Foto LM)
Plett self offer soveel lekker avonture van Lawnwood Snakeprk, Adventure Land en die Puzzle Park na vele ander. Knysna is om die draai en die John Ben Boot is 'n moet, asook die beeldskone strande van Knysna Heads, die waterfront en natuurlik elke padstal tussen Plett en Knysna ook.

Ons het tyd so bes ons kon benut, en self 'n draai gaan stap op die Robberg Natuurreservaat waar mens di evlakte van Plett aan die een kant het n Robberg aan die ander, met die see en horizon so ver jy jou oë kan strek voor jou. Die Robberg Nationale Park is ook 'n Wêreld-erfenis gebied, met historiese klipformasies our as 120miljoen jaar. As jy jouself ooit op hierdie staproete bevind, doen jouself 'n guns - gaan sit, doodstil op die kranse van die staproete (omtrent halfpad deur die hele ding), en doen net dit - sit. Luister. Haal diepasem. En neem dit alle sin - dit is asemrowend mooi en mens voel die rustigheid tot in jou siel. (Besoek hul webblad: www.capenature.co.za/reserves/robberg-nature-reserve)





Ontspan (Foto LM)
Bosveld TV (Foto LM)
Laat middag na ons avonture, het ons rustig by Africamps Ingwe ons viirtjie aangesteek, die kagel binne op die jkouer aande, en ons verkyk aan 'n eindelos sterrehemel soos dit donkerder raak. Ons was self geseënd om twee nagte die vuurvlieggies te beleef, wat ek nog nooit voorheen gesien het nie. (Hul kom glo gereeld voor by Nature's Valley wat daar naby geleë is nie.)

Africamps was 'n belewenis wat ek nooit sal verruil. En ek gan definitief weer soontoe!
Want daardie grondpad roep my naam!

Tot my volgende avontuur...
LM



Addo Wildlife - Insiggewend met 'n tikkie oulik!



Uile by Addo Wildlife (Foto LM)
Net buite die klein dorpie van Addo kan jy Addo Wildlife vind, waar hul 'n glans restaurant, verskeie akkommodasie geriewe en ook 'n dieresentrum met verskeie voëls, slange, en 'n heerlike avontuur bied.

Na 'n lekker ontbyt by Tangelo, waar die staff so vriendlik is jy wil heeldag sit en gesels, het ons deur die sentrum geloop om die diertjies te verken. Ek moet bieg, van buite lyk die sentrum nie baie indrukwekkend nie, maar eers binne voel jy kompleet of jy in 'n ander wêreld intree. Met groot palms en tuine wat die atmosfeer van 'n ampere reënwoud skep, en die geluid van voëls, alles van Macaws en papegaaie voel dit asof jy erens anders as langs die teerpad slegs 70km va Port Elizabeth af is.

Een van my gunsteling diere is uile, en hier kan jy baie verskeie spesies van naby bekyk. Daar is iets baie majestieus aan uile. So ook die Goshawks wat ook hier gesien kan word.

Muisvoël (Foto LM)
My nuwe maatjie (Foto LM)
Daar is 'n groot aviary, waar jy kan ingaan en rond beweeg tussen die voëltjies. En hier, verbasend genoeg, sal die maker spesie sommer op jou kop of skouer kom sit. Ek het meeste van my tyd hier spandeer, en my hart verloor op 'n klein muisvoël wat my nie wou uitlos. Die Afrika voëltjie word slegs 30cm lank van kop tot stert en weeg slegs 50-70 gram. Hul is so genoem oor hul vaal kleur en hop hop gewoonte tussen takkies en bome.



Almal leer iets by Addo Wildlife (Foto LM)
Addo Wildlife het 'n groot verskeidenheid diere (sien vol lys hieronder) met ook 'n petting zoo stelling waar jy hoenders, marmotte, bokkies en meerkatte van nader kan sien. Die krokodille en anaconda vorm vir goeie rede nie deel van die geleentheid nie. (Lag vir haar eie grap.) Maar as jy gelukkig is kan jy wel 'n paar spesie slange van nader bekyk of selfs van die kleinder akkedisse.

Ek sal beslis weer na hierdie sentrum gaan, al is dit net om vir my muisvoël maatjie te gaan kuier. Definitief die trippie werd, en beslis baie insiggewend.

Maccaws (Foto LM)
Besoek gerus hul webblad: www.addowildlife.com/wildlife-centre/

Hul is oop 7 dae 'n week vanaf 08h00 - 17h00
Kostes is R70 per person (R40 vir pensionarisse / kinders onder 13)
Hiermee lys van al die diertjies wat jy hier sal kan sien (soos op hul webblad):
Snakes: Red-tailed Boa Constrictor, Carpet Python, Corn Rat Snake Hybrid, Grey Rat Snake, Honduran Milk Snake, Snow Corn, Black Albino Rat Snake, Corn Snake , California, King Snake, Yellow Anaconda’s
Reptiles: African Fat Tailed Gecko’s, Rock Monitor Lizard, Nile Crocodiles

Parrots: Cape Parrot, Lovebirds, African Grey, Galah’s, Brown Headed, Senegal, Ruppel’s, Meyer’s, Eclectus

Macaws: Scarlet, Greenwing , Military, Red Fronted, Blue and Gold

Raptors: Cape Eagle Owl, Spotted Eagle Owl, Barn Owl, Bengal Eagle Owl, Rock Kestrel, Verreaux’s Eagle, Lanner Falcon, Steppe Buzard, Yellow Billed Kite, Pale Chanting Goshawk

Cats: African Wild Cat, Caracal

Antelopes: Blue Duiker

Monkeys: Marmosets

Squirrels: Red Bush Squirrel, Gouldian Finches, Suricate

Touch Farm: Turkeys, Chickens, Rabbits, Guinea Pigs, Dwarf Goats, Ducks, Geese, Black Swans

Tot my volgende avontuur…
Met vere in my hare....
LM

Stukkie Hemel in die Addo Distrik - Avoca

Die perfekte Avoca dag (Foto LM)
Op 'n grondpad naby Kirkwood en Addo, tussen sitrusoorde en rivierbeddens kan jy jouself herlaai en die stilte geniet.  Wanneer 'n klein wegbreek benodig word, en die natuur roep na jou siel, is een van my gunsteling plekke Avoca River Cabins. 

Avoca offer verskeie verblyf opsies van modderhutte, na luukse kajuite en B&B opsies. Wanneer jy met aankoms gegroet word deur vriendelike staff en die reuk van rose al langs hul ingang af, kan mens nie meer as om te begin ontspan nie. 
Ontspan langs di erivier (Foto LM)

Avoca offer 'n stil, eenvoudige wegbreek, waar jy 'n rustige vuur kan aansteek, glasie wyn kan klink, met die rivierbed in oogopsig. Jy kan met canoes by die rivier af gaan, om jouself in die mooi natuurlandskap te verloor, of selfs 'n tick op jou Bucket List sit en inspring. Die rivier is diep, koelirig maar vervrissend, veral in die hitte van die dag. Vir die wat nie so avontuurlustig is nie, is daar ook 'n swembad.

Soos lente in herfs, blomme oorheers (Foto LM)
Vir natuurliefhebbers en plantkenners, is daar baie blomme en plante wat die skilderyagtige landskap inkleur. Hier en daar is daar iets wat dalk bietjie aandag benodig soos 'n deur wat vashak (al het dit ons almal eindelose giggelsessies gegee), maar na 'n lekker gesprek met die bestuurders het hul ons ingelig oor die toekomstige opgraderings van bai evan die verblyf opsies. Met 'n naweek wat vol bespreek was, kan mens nie betwyfel dat hierdie 'n wen bestemming is nie. 

Ek het jare terug die klein stukkie hemel ontdek en sedert ons eerste wegbreek daar amper 15 jaar terug en nou het dit baie gegroei en uitgebrei. Met 'n venue vir byeenkomste en troues, is hierdie definitief 'n sprokiesverhaal wegbreek bestemming. 

Die area bied ook baie avonture soos Addo Nasional Olifant Park, Addo Wildlife Ranch, natuur-uitstappies, visvang/hengel, Ziplining, en vele meer vir jonk en oud.

Na die wegbreek is mens vervris en voel mens hartseer om weer die teerpad huis toe te volg, maar Avoca sien my beslis weer gou!

Besoek gerus hul webblad: http://www.avocarivercabins.co.za/

Tot my volgende avontuur,
LM











Wednesday, February 27, 2019

Teater skouspel in die opelug! - AS YOU LIKE IT

Die jaarlikse Shakespeare produksie deur PESF (Port Elizabeth Shakespeare Festival) is amper op die planke - of sal ek sê grasperk! Hierdie jaarlikse teaterspel het begin in die 70's en word by die opelug teatre in St Georges Park gehou.

AS YOU LIKE IT - Layout by LM Photography & Designs

Tarryn as Rosalind.
Glenn as Orlando.
Foto: LM
Hierdie jaar word Shakespeare se AS YOU LIKE IT opgevoer - en moenie dink dat hierdie jou normale Willem Wikkelspies vertoning is nie, met nuwe talent en leiding van die voormalige Jacques Batista, is hierdie definitief iets vir elke gehoor.

Die tong in kies verwysings laat mens soms bloos, so wees gereed om te lag soos nooit te vore en geniet die aand - bring jou kombers, piekniek mandjie en eetgoed en kom geniet 'n aand in ope-lug teatre!

Hoofrolle word vertolk deur Tarryn Light as Rosalind en Glenn McIllroy as Orlando. Die kleurvolle rolle word deur 'n groep jong en vars gesigte voortgebring, met sommiges reeds bekend in die PE teaterbedryf.










Volg PESF hier op hul Facebook blad:
https://www.facebook.com/PEShakespeare

Lees meer hier oor Mannville Open Air Theatre:
http://www.stgeorgespark.nmmu.ac.za/content/thepark/displayarticle.asp?artid=thepark_023


Hiermee die volledige verslag:


PRESS RELEASE 
PORT ELIZABETH SHAKESPEAREAN FESTIVAL ANNOUNCES ‘AS YOU LIKE IT’ TO BE STAGED FROM 6 TO 16 MARCH 2019 IN MANNVILLE OPEN AIR THEATRE, ST GEORGE’S PARK.

 The Port Elizabeth Shakespearean Festival is pleased to announce ‘As You Like It’. This much-loved romantic comedy which rates as one of Shakespeare’s most popular plays features a cast of dynamic young performers under direction of Woodlands Dairy Showtime winning actor and theatre maker, Jacques Batista. Approached by PESF in January to direct this year’s instalment of the longstanding open air event, Batista chose ‘As You Like It’ for its social content that relates to events happening in our world today. 
Leading the cast as Rosalind is Tarryn Light opposite romantic interest Orlando, played by Glen McIlroy. Cast in the sought-after role of Jaques is Jaydee Mulder whose portrayal of the character refreshes “All the world’s a stage” through physicality and language for a contemporary audience. In support, are versatile performers such as Liske Hemingway who plays Rosalind’s cousin, Celia, Oliver’s love interest played by newcomer Luke Erasmus. In addition, Matthew Hamilton plays the wildly exciting Touchstone opposite Kathleen Fouche as Audrey. Joining the cast with a family history of performing Shakespeare for PESF is Kerry-Lee Allen as both Duchesses – Frederica and Senior in addition to contributing the choreography of the opening dance that locates the play firmly within its social context.

The concept of the play centres on the social dimension of the play related to modern events happening in our world at the moment: building (or tearing down) devisive walls, worker uprising, the possible fallout of BREXIT, the environment and gender fluidity. The subtle references to these issues do not hinder a more traditional presentation of the text but only enhance Shakespeare’s comment on society. The central conflict in ‘As You Like It’ is a result of political usurpation which drives a more socialist community into the forest of Arden – Shakespeare’s construct – where they live like “Robin Hood’s merry people of a golden age”. The forest resembles our contemporary quest for a utopian world of equality, free of capitalist interference.
The set and lights, designed by Rocky Mann, become a moody expression of the play’s emotional and political landscapes shifting from fascism to liberation and from fear to love in the romantic escapades of the lovers whose comic exchanges lighten the darker undertones of a plot that plays the fool with its characters. Using an eclectic mix of costumes by Brigitte Mann, ‘As You Like It’ is presented in a more traditional format with Post-modern elements serving the concept. Director, Jacques Batista, fresh off attending workshops in London and Brussels, recently was awarded the Woodlands Dairy Showtime award for Theatre Creativity in a high school production and again employs a more innovative approach to staging Shakespeare that is accessible to a wide audience. Peter Mann with members from his studio have choreographed the closing dance sequence and curtain call.
‘As You Like It’ runs from 6 to 16 March 2019 at 19:30pm nightly (excluding Sundays) at R65 for adults and R40 for scholars and block bookings in Mannville Open Air Theatre, St George’s Park.  For Block bookings, please call Helen on:  041 5811738.

ALL PHOTOS BY LM PHOTOGRAPHY & DESIGNS

Wednesday, January 23, 2019

Tone in die sand met sonsondergang - Sardiniabaai - PE


City of Angels (film) Foto: Google
Onthou jul die scene in City of Angels (die 1998 tranetrekker met Nicholas Cage en Meg Ryan). Die fliek begin met die engele wat almal op die strand staan en na die sonsopkoms kyk – en luister. Ek onthou destyds hoe treffend dit was en van daar was ek verlief op die sonopkoms en die skemertowerspel. Maar hoeveel keel kan jy sê y het al die effort gemaak om te gan kyk hoe die sonsak?

Wel ek het, en die gogga het weer byt. Op die mooiste van mooi plekke – Sardiniabaai, Port Elizabeth. En moenie dink as jy gaan gan jy soos ‘n verlore siel sit op skuiwende duine nie, daar is hordes mense wat hier opdaag, die son sien sak, en weer aanbeweeg met hul lewens. Maar vir daardie 13-20 minute waar die groot ronde geel die horizon tref, tot waar die lig net tekens van rooi glans wys, is dit asof almal daar is vir dieselfde skouspel. United in something so simple.

Seevoëls oor Sardiniabaai (Foto: LM)
Sonbril sonsak (Foto: LM)
Moenie dat dit jou flous, hierdie skouspel (wat daagliks gebeur) is deel van die top 10 dinge om te doen in Port Elizabeth. Sardiniabaai is ‘n baie bekende strand. Geleë tussen Kinibaai/Seaview en Schoenmakerskop, strek Sardiniabaai se duine, al bewegend, oor die kuslyn. Vanaf Sardiniabaai kan jy die 8km stap na Schoemakerskop aanpak, of andersom. Tussen fauna en flora, met beeldskone uitkyk punte oor ‘n oneindige horizon.

Elke keer as jy gaan is die duine anders, een van die redes hoekom dit so bekend is. Ek onthou hoe ons as kinders soontoe gegaan het, en nou is die ou pad na die “hoofstrand” geblok met tonne seeand, soos die duine oorgeskuif het.


Zeepaard 1823 (Foto: Casual Observer)
Soos enige strand teen die beeldskone kuslyn, is di took deel van tragediese geskiedenis, met ‘n Duitste skip wat op 29 Maart 1823 in die dik mis hier vergaan het. Die Zeepard HNMS was oppad na Holland vanaf Batavia. Lees die volledige storie hier:  http://thecasualobserver.co.za/port-elizabeth-yore-sinking-zeepaard/

Om die Saerdiniabaai horizon te beleef, moet jy jou tone in die sand druk (oh lekker), oor ‘n stewige duin ploeter, maar wanneer jy eers bo kom, is die branders onder jou, die seevoëels bo jou, die walvisse voor jou en die water strek 180 grade van links na regs. In die somermaande kan mens soms die tjokkabote ook gewaar, waar hul hul liggies met skemer begin aansit vir die nag se vangs.

Sien jou by sunset (Foto: LM)
So vat tyd, moenie die rose ruik nie, gan sit, met ‘n skemerkelkie (pun intended), op ‘n mooi duin van Sardiniabaai. Haal diep asem… Luister… Voel… En recharge vir die eek wat voorlê.

Tot ons volgende avontuur,

LM

Monday, November 19, 2018

Grondpad Dromers kry 'n nuwe baadjie!

Ons nuwe look is hier! Baie dankie aan LM Photography & Designs vir die nuwe uitlegte. Kontak hul gerus via hul FB blad: https://www.facebook.com/LM-Photography-Designs-103904673042867/

Onthou ook om ons te volg vir al die nuwe avonture wat kom!

Vir nou... groete en lekker travel!

LM