Omdat elke avontuur op ‘n grondpad begin….

Welkom by my blog, Grondpad Dromers! 

‘n Blog wat ek opdra vir skryf van gedigte, avonture en inspirasie stukke. Almal het soos ek iets om te deel, een of ander avontuur wat hul lewensverhaal vertel en ons paaie kruis nie altyd nie, maar deur middle van hierdie blog wil ek my avonture deel, my ontdekkings en my liefde vir die natuur.

Omdat ek glo elke avontuur met 'n grondpad begin...

 Soms is ons te besig om te stop en selfs die metaforiese rose te ruik, maar hier wil ek jul op my avonture neem deur fybos, en kraanse, ou ossewa paaie en skulpbestrooide strande. Ek wil jul nooi om ‘n virtual koffie saam met my op die stoep te geniet met die aansig van die Outeniqua vlak voor my, en ‘n digitale wynglas te klink wanneer die branders op die groewe van Vicbaai klap. Stap saam met my deur verlate treintonnels, klim saam met my wandelpaaie, ry saam op een van die 7 passe wat Ossewa-drewende voorvaders deur die berg geneem het. Ek beoog om my avonture met jul te deel. Dit is nie glans nie, dit is nie met geografiese feite beklemtoon nie, maar dit sal werd die virtuele toer wees wat ek as digitale toergids sal probeer vaslê.

 My blog sal ook ‘n paar gedigte koester, omdat die tuinroete my soos nuut geinspireer het. Soms sit ek en kyk na die Outenqua en weet hoekom soveel Afrikaanse sangers haar in hul prose noem. Soms ry ons deur Knysna na Storms se kant en kan ek my indink hoekom Dalene Matthee so lief was vir die Knysna bos. So hierdie is my eie Kringe van ‘n soortgelyke bos. Omdat ek wil. Omdat ek kan. En omdat elke avontuur gedeel moet word.

 So hier gaan ons… Ek hoop jul geniet wat ek vir jul sal offer.
  Laat die avonture begin…

 LM